الساعة عيدكم مبروك الناس لكل ... إنشاء الله تكونو عبيتوها بالمشوي و شربتو برشا تاي أخضر ( على خاطر من الموروث التقليدي أنو التاي لخضر ينحي البشمة، يشربوه للشاة "حاشاكم " وقت لي تتبشم ) ... باش نكمللكم البقية متاع لحكاية إلي كنت بديتها هنا، أما المرة هذي باش نحكي على جوجمة العيد لكبير و المشوي و الدوارة و العرك ( حاجة بديهية )
العيد لكبير يختلف برشا على العيد الصغير، أول حاجة و أهم حاجة في وقت الفيقان : في العيد الصغير الدار لكل تفيق مالستة و أنا نفيق مع التسعة، أما العيد هذا، مالستة الناس لكل لازم تكون في حالة تأهب قصوى، كل واحد عندو حاجة يعملها ... أمي تبدا تبخر في الدار و تكنس في الفيراندا إلي تعبت بالتراب متاع العجاج متاع البارح، أختي لكبيرة تبدا تحضر في الحشيش متاع العصبان، و الصغيرة تڤنڤن و تخمل في الدار ... أنا لازمني نمشي نخرج العلوش مالڤراج و نجيبو للدار، نهز الكرهبة نعبيلها ليسونس ( ملاحظة : إسونس ليبيا ليلة العيد البيدون بو 20 إيترة ب 19 دينار، نهار العيد ب 24 دينار ) و نجيب الخبز من كوشة " الشلاخي " سخون ... بعد هذا الكل نركب بحذايا الوالد الموقر و نمشو نصلو صلاة العيد ( الشي الأكيد بعد ما نلبس كلاسط العيد الجديدة ) و هو مإلي فاق ما عمل شي كان يترشف في التاي الشرقي متاعو ( أحمر و خفييييف كيف الغسالة ) و يتكيف.
صلينا و دعينا و عيدنا على الناس و قفلنا عائدين للمنزل، نلقى الجماعة لكل في الإنتظار، و باعتبار بابا موش من هواة عملية الذبح، و أمي لا تأتمني على علوش العيد، يجينا عمي العيادي ( صديق العائلة )، يذبح و يعيد علينا و يقفل عائدا من حيث أتى ... مهمة النفخان و السلخان نتكفل بيها أنا، بابا يعاون في الشدان ( بالرغم من أنو يعطل أكثر مإلي يعاون ) و أمي تعس على الجلد و تعارك كيفاش رجعتهولها كيف الكسكاس ( لكلو منقوب ).
العيد لكبير يختلف برشا على العيد الصغير، أول حاجة و أهم حاجة في وقت الفيقان : في العيد الصغير الدار لكل تفيق مالستة و أنا نفيق مع التسعة، أما العيد هذا، مالستة الناس لكل لازم تكون في حالة تأهب قصوى، كل واحد عندو حاجة يعملها ... أمي تبدا تبخر في الدار و تكنس في الفيراندا إلي تعبت بالتراب متاع العجاج متاع البارح، أختي لكبيرة تبدا تحضر في الحشيش متاع العصبان، و الصغيرة تڤنڤن و تخمل في الدار ... أنا لازمني نمشي نخرج العلوش مالڤراج و نجيبو للدار، نهز الكرهبة نعبيلها ليسونس ( ملاحظة : إسونس ليبيا ليلة العيد البيدون بو 20 إيترة ب 19 دينار، نهار العيد ب 24 دينار ) و نجيب الخبز من كوشة " الشلاخي " سخون ... بعد هذا الكل نركب بحذايا الوالد الموقر و نمشو نصلو صلاة العيد ( الشي الأكيد بعد ما نلبس كلاسط العيد الجديدة ) و هو مإلي فاق ما عمل شي كان يترشف في التاي الشرقي متاعو ( أحمر و خفييييف كيف الغسالة ) و يتكيف.
صلينا و دعينا و عيدنا على الناس و قفلنا عائدين للمنزل، نلقى الجماعة لكل في الإنتظار، و باعتبار بابا موش من هواة عملية الذبح، و أمي لا تأتمني على علوش العيد، يجينا عمي العيادي ( صديق العائلة )، يذبح و يعيد علينا و يقفل عائدا من حيث أتى ... مهمة النفخان و السلخان نتكفل بيها أنا، بابا يعاون في الشدان ( بالرغم من أنو يعطل أكثر مإلي يعاون ) و أمي تعس على الجلد و تعارك كيفاش رجعتهولها كيف الكسكاس ( لكلو منقوب ).
من عادات عائلتنا المضيقة هي أنو ما نشووش لحم النهار لول، كان المعلاق ( كبدة و قلب و ما تابعها )، و ما نقطعو كان النهار الثاني و وقتها " الشوا دوا " :) ... و باعتبار إختلاف الثقافات و الحضارات في دارنا، فإنو حتى ماكلتنا النهار لول مختلفة شوية : تعمللنا أمي ما يعرف ب "الملفوف"، و هو عبارة على كبدة مصموطة في الماء و الملح، مبعد نقصوها على شكل مكعبات و نلفوها في الرداء ( الشحم إلي يلف الدوارة ) و نشووها ( ديجى ريقتي سالت ) ... مبعد كلينا كمونية عملتها أختي، دوشت و بدلت دبشي ( و حافظت على نفس الكلاسط الجديدة ) ... شدينا الصف كيف العادة و عيدنا على بعضنا، عملت دورة في الحومة عيدت على كباراتها و أولاد الحومة و شدينا الرحال لدار عمي الكبير ( إلي حكيت عليه المرة إلي فاتت ) ...
مإلي وصلنا نلقاه شادد تركينة وحدو و يتشمس، درت على اولادو لكل و نساهم كل واحد أربعة بوسات مع الديباجة متاع النفاق الاجتماعي المعتادة : كل عام و إنت حي بخير، انشالله من المعيدين، انشالله عيد الهنا، ربي يطوللنا في عمرك ... إلخ إلخ ... مشيت جبت جلد فرشتو بحذا عمي و قعدت، النسا مازالت تغسل في الدوارة ( أربعة كناين و ستة علالش و جدي ) و الرجال فيهم إلي يتفرج على الماريشال عمار في التلفزة، فيهم إلي محلق مع الصغار و يلعب، و فيهم إلي يشعلو في ديسكو متاع عجلة باش يشوطو الروس و الكرعين ( حتى أمي جابت متاعنا باش تشوطهم معاهم )
قلت لعمي : " بابا علي ... شبيك حزين الضماير ؟؟ نعرفك تموت على المشوي و على الحركة متاع العيد !!! "
تلفتلي كأنو يستنى في سؤالي : " يا حسرة وقت لي كان العيد عندو معنى ... تو ما عاد نطعم في شي !!! "
أنا عارف لحكاية لكل أما متأكد أنو يستنى فيا باش نسألو : " علاش شنوا إلي تبدل ؟؟ "
تلفتلي بلهفة و بدا صوتو يصدح :
يوم العيد
وين نحر النحور
صدام قدم للوطن روحه
كان كيف الأسد المجروح
يمشي و يضحك جروحه
الهم أنك تشوف جبل ينكاد
و إذا شفت الجبل مكيود
تلقا العلة بسفوحه
مثل النخل مات وقوف
شخص شامخة صروحه
كملت سمعتو حتى للخر ( باعتبار أنو ما يحبش شكون يقص عليه وقت لي يقول الشعر ) و قتلو : " كل من عليها فان ... ما يدوم كان وجه ربي راهو و ... "
أنا مازلت ما كملتش كلامي لين نسمع في حس متاع تقنقين من بعيد و حضبة، نضحت مشيت، نلقى وحدة من نسا أولاد عمي موش عاجبها لحال كيفاش العكل لكل جاي عليها، و لخرا تقوللها
- " يا بنتي صلي على النبي، تي لكلنا كيف كيف ... غير إنتي مازلت جديدة و ما ستانستش "
- " تي أش نستانس ... هذا كرفي ... في دارنا ما كنت نلمس في شي، هنا نلقى إيدي فالبعر حتى لمرافقي ... !!!"
تدخل الكنة لخرا ( من مبكري تاكل في بعضها و ساكتة ) :
- " ماك عارفة روحك علاش قادمة، علاش تتشكا تو ؟؟ ولا كنت تتخيل روحك جاية الجنة ؟؟ "
- " أي في بالي مانيش جاية للجنة، أما ما ڤالووليش بإلي راهي جهنم !!"
سمع ولد عمي مرتو تتشكا و تعيط جا يجري
- " هيا سكرتش فمك تو ... حتى نهار العيد تڤنڤن !!! إلى متى باش نبقى نعاني يا ربي ؟؟ "
ينوض بابا علي ( عمي ) بعد ما حط كاس التاي و شد العكاز :
- " يا عن مذهب بوكم قايم و نايم ... قلت كفى يعني كفى ( تربية زيتونية و يحكي بالعربية الفصحى ) ... و إنت يا عادل ... نقص من حسك و إنتم يا بناويت، يزو بلا تمجليغ تراه، لكلكم بناتي و لكلكم خوات ... مازلت نشوف وحدة فيكم تعارك في لخرا نتفاهمو "
هو هكاكا نشوف في الطاهر ولد عمي يحكي مع مرتو :
- " أي ماهو إمشي غدوة "
- " لا أنا نحب نمشي لدار بويا أول عيد باك نلقى الجماعة لكل ملمومين، موش قتلي فالعيد الصغير بإلي فالعيد لكبير تهزني أول نهار ؟؟؟ "
- " أي قتلك، أما هاك تشوف في نسا خواتي لكلهم غاطسين مع بعضهم، ما يجيش نهزك إنتي و يبقو هوما يغسلو و يطيبو، و زيد اللمة حلوة "
- " وين حلوة !!! كان التنڤريز و الناس لكل تغزل ... أنا باش نمشي، مدامك قتلي مادام لازم نمشي "
- " ب الحرام لا هزيتك اليوم ... أش تحب خواتي يقولو عليا ؟؟ تسوڤ فيا مرتي ؟؟؟ "
هو مازال يحكي ناضت مرت عمي تعيط :
- " يا ولادي راكم نسيتو الكبدة فوق المشوى ... راهي ولت فحمة "
عمي وقتها تلفتلي و قالي
- " أسمع ولد خويا ... تمشيش تعرس ؟؟؟ راك والله ما تخسر كان إنت "
سكت شوية و زاد قالي :
- " أي حقا ... شكون انتخبت ؟؟؟ "
صراحة نشهدلك .. تسلسل قصصي رائع جدا .. قدرة على الانتقال من حدث إلى آخر دون انقطاع في سير الأحداث .. جعل القارئ جزء من القصة .. يضحك لمواقفها .. ويتخيل شخوصها .. شكــرا لك لمشاركتنا الكثير
RépondreSupprimer..
وانا كنت نستنى فيك من اول مرة قريت فيها القصة اللي فاتت وانا نقول يارب يكملها العيد هذا .. هههههههه .. وتوا اكيد مازالت قصة شكون انتخبت .. هاني نستنى .. ^_^
:(
RépondreSupprimerربي يخليك يا أسماء ... هذا من حسن قراءتك :) ( على وزن من حسن أخلاقك ) ... إلي يستنى خير مإلي يتمنى !!!
RépondreSupprimer@Anonyme : ما هذا الحزن ؟؟؟ علاه ؟؟؟ الفايدة في اللمة و الجو راهو :)
mahouch 7ozn tkt juste fama un truc que j'aime pas :p
RépondreSupprimerwel feyda fel lama :)
بويسك الفضاء هذا موجود، و كيف ما أنا شاركتك الأحداث هذي، نتمنى تشاركني الحاجات إلي ما عجبوكش ( لمزيد الارتقاء بالمضمون ) ::لوغة_مضروبة:: :) :)
RépondreSupprimerc pas mon genre "moucharakét el a7dath" en faite c la 1ère fois ke je rédige un commentaire ici...
RépondreSupprimert'en fait pas mahouch si intéressant eli ma3jébnich ! w brabbi juste un conseil: na9ess chwaya mel lougha el madhrouba
على كل حال أنا ما طلبتش منك تشاركني الأحداث، طلبت منك تفسر تعليق ( السمايلي ) كتبتو في فضاء يخصني و على ملكي ... نصيحتك ( تنقيص اللغة المضروبة، هذا في صورة ما أنها في محلها ) كانت باش تكون عندها إضافة كانك تحملت عناء تفسير ما جاء في تعليقك السابق ...
RépondreSupprimerعلى كل حال شكرا على مرورك و دمت قارئ ( ة ) وفي ( ة )
rde2 mch ch7am :) c'est une couche de cellules épithéliales ( google it )
RépondreSupprimervotre texte est fort intéressant. hazit il moussim wala lé?
anonyme (2)
@ anonyme (2) :مشكور ( ة ) جدا على المعلومة، ماكنتش نعرفها : نستخايلو شحم على خاطر يبقى لاصق في لغبي كيفو كيف الشحم كيف البسيسة ( فكرتني، لازمني نكتب ارتيكل عليها :) )
RépondreSupprimerفي ما يخص الموسم : كيفاش واحد يكره العرس باش يورط روحو في ارتباط يخليه يهز موسم ؟؟؟ :) :)
انشالله ديما يعجبوك خرافاتي ... سهرة رائقة
sowiga 3ad mch bsisa :) mé t9olich mé ta3rfouch il mostala7 :)
RépondreSupprimerkenik 3al moussim c'était ironique :)
quant au mariage, tu y passeras comme tout le monde, mais j'espère que ça sera avec la bonne personne.
bonne soirée :)
anonyme (2)
@ anonyme (2) : جرحتني وقت لي قتلي ما تعرفش السويقة :( ... لذلك مانيش باش نجاوبك و باش نحيلك لمقال كنت كتبتو قبل تعرف من خلالو أنا منين و نعرف السويقة ولا لا ( شوية تحيل باش تزيد تقرا مدونتي :) )
RépondreSupprimerhttp://ra2is.blogspot.com/2011/06/blog-post_09.html
na3rif tous les articles du blog :) juste je te taquinais encore une fois :)
RépondreSupprimerméla j'attends l'article 3la sowiga :) w mch lézim tfasrilhom ili hia bsisa 5alihom fi jahl mte3hom :)
re bonne soirée :)
3idek mabrouk, kont nestanna fel joz2 théni :)
RépondreSupprimer1- ama brabi kifech 4 knéyén w 6 3léléch, n7esseb w n3awed ma 9abelch, kounech famma chkoun chré 2 3léléch (kothret 3lih el flous 5ater el 3allouch essné r5isssssssss barcha) :-)
2- mat9ollich el klésset ejdod dhba7t bihom el 3alouch w sla5t w ... w zédet 3ayadt bihom :O
3- el 3ark 3ala 5ater wa7da ta9dhi w lo5ra ma ta9dhich ynajem ykoun fel les 2 sens càd: ena n7eb na9dhi w n3awen w 7méti ma t5allinich (si wallah) dima t9olli ma tmassa5ch ydik, ma ta3mel chay, o93éd érté7 w ena n7eb na9dhi bech may9oulouch hay médda idéha :))))
4- encore autre fois incha Allah 3idek mabrouk w kol 3am wenti b5ir avec tt la famille
PS : el 3érs ma fihéch ken el machékel :)
هيا باهي إلي إنتظارك ما طالش :) هاني باش نجاوبك على كل نقطة مالنقاط إلي قلتها على حدة :
RépondreSupprimer1 - 4 كناين كل وحدة بعلوشها، زيدهم علوش عمي و مرة عمي، هاذم خمسة، و زيدهم الجدي إلي باش يعملوه كوشة ... دونك هاذم يولو ستة :) صحيح سومو طالع برشا لدرجة أني نحكي أنا وصاحبي ليلة العيد قتلو : " العلوش موش لازم نذبحوه،عيد السنا باش نقتلوه بالضّحك تالمون ما عندناش فلوس " :)
2 - لا عاد موش للدرجة هذي، ديجى كان تشوف التصويره إلي في الارتيكل تو تلقاني نشوي و لابس الشلاكة من غير كلاسط ( هاذيكا نحط بها الحطة كهو هعهعهع )
3 - إنتي هاك عايشة في جنة و ماكش عارفة، حسب إلي نشوف فيه الحماوات لكل ما يصدقو أولادهم يعرسو باش يخدموهم كناينهم، كأنو ثمة عقدة تاريخية تقول " زي ما عملت فيا حماتي نعمل في كنتي "، والله نفرح وقت لي نشوف حماة تعامل في كنتها كأنها بنتها ... ça me réchauffe le coeur كيف ما يقولو :)
4 - نعرف أنو العرس موش كان مشاكل، بالعكس، فرحو أكثر من النكد متاعو، أما المشكلة قلييييييل وين يجيني واحد من أصحابي يقولي "والله العرس هايل " ... كانهم يحكو على العرس فراهم يحكو على المشاكل و الكبي و التعكنين. من عادات شعوبنا الأنثروبولوجية أننا نحتفظو بالسعادة لأنفسنا و ما نتقاسمو مع الأخر كان الهم و الغم ... دوماج ( شفت كيفاش تقلبت لحكاية كبي و قينيا فيسع فيسع :) :) )
على كل حال مرورك بناء جدا و جميل جدا ... ربي يخليك ( و باللاهي سلملي على حماتك و شد لي على يديها ) :)
c'est vrai netsamma merté7a m3a 7méti (ama mech janna )
RépondreSupprimeren fait 7asb ma rit ay mra tabdata3mel el machékel el kannétha tnajem t9oul 3o9da, ama ena akther 7aja n9oul ghira , ey n3am ghira, ki tji tchouf, hia trabi w tdallel w twassa3 bélha, bech weldha yabda m3a mra o5ra!!! w ydalle féha w yasma3 klémha w yét9alle9 kif tetghachech martou, w bi ma annou ennsé 3andhom el ghira b zéyed, ma tkoun len ghira
ena nharet 3id milédi 7méti 3azzéha te9bel el 3zé kifech weldha 3malli 3ché w sharna w cadeau :)) c pour cela n9oul ghira elli el kanna lezemha ta3ref kifech tetsarref m3aha.
w tawa nsallamlek 3ala 7méti ;) ama nched 3ala idéha ça dépend :)))
je taquine rahou pr el klasset :)
PS: win nji n7ell el page mté3ek yatla3li un pop-up d'enregistrement d'un format mp3 ki s'appele tkber-affasy ou qqe chose comme ça.
esrt ce que tu peux vérifier si c'est lié à qqe code qui se trouve par hazard dans ton blog, merci
كلامك فيه وجهة نظر مهمة برشا ... على كل حال ربي يهنيك انشالله :) و كيف ما قالو ناس بكري : "إسأل مجرب و لا تسأل طبيب " ...
RépondreSupprimerحكاية البوب-أب ثبتت فيها و طلع كود زايدو في البلوج يمشي كان عندي أنا : تكبير فرحة بالعيد ( تحبني كان أنا نقعد ما نعملش تكبير فالبلاد !!!! ) و نتصور صلحتها تو :) ثبت و قلي ...
c'est bon pour le pop-up, ma3adech yodh her tawa
RépondreSupprimerMerci pour tes souhaits wel 3a9ba lik :))